Найстарэйшая творчая арганізацыя Беларусі |гады заснавання – 1933-1934|

ПАДЗЕЯ 13 лістапада 2017

Лекцыя Віктара Марціновіча пра Джуліяна Барнса

У прасторы Space (Мінск, вул. Кастрычніцкая, 16А).

Лекцыя Віктара Марціновіча пра «Узроўні жыцця» Джуліяна Барнса

Пра аднаго з самых яркіх аўтараў сучаснай Брытаніі  – Джуліяна Барнса, а таксама пра смерць, каханне, аўтабіяграфічны складнік у прозе і прыгожую жанчыну Пэт Кавана на сваёй лекцыі раскажа пісьменнік Віктар Марціновіч:

«Упершыню я пачуў імя Джуліяна Барнса, калі працаваў мастаком на вайсковай кафедры. Я ведаў, як маляваць, вайсковая кафедра мела шмат агітацыйных плакатаў, якія мусілі быць намаляванымі. Таму будучаму лейтэнанту запаса выбачылі фрызуру пад Ніка Кейва і тое, што замест вывучэння ТТХ БРДМ я бавіў час у замкнёным пакоі з Бобам Грэбеншчыковым у плееры.

Гэта быў той этап існавання Барыса Барысыча, калі ён хваліў Б. Дылана, Б. Іна і раман "Гісторыя свету ў 10 з паловай главах" Джуліяна Барнса ў кожным сваім інтэрв'ю. Таму мне не заставалася нічога іншага, як знайсці гэтую рэдкую кніжачку. Ужо тады я адзначыў асляпляльны лаканізм нарацыі, манеру пісаць, у якой значнымі робяццца нават паўзы паміж кропкамі. З тае пары прайшло шмат часу, я перастаў спрабаваць стаць мастаком і нечакана стаў пісьменнікам, Боб Грэбеншчыкоў перастаў спрабаваць быць музыкам і стаў мудрацом, а Барнс выдаў "Узроўні жыцця". Кніжку, пра адметнасць якой гэтай вясной ў прадымленай цюрыхскай кухні мне распавёў адзін еўрапейскі левы інтэлектуал, уплыў якога на мяне сёння супастаўляльны з колішнім уплывам Грэбеншчыкова на ўсіх нас, маладых і дундукаватых дзетак 90-х».

Лекцыя адбудзецца 20 лістапада ў 19:00 у прасторы Space – вул. Кастрычніцкая, 16А (уваход праз двор каля дому Кастрычніцкая, 10Б, міма студэнцкіх інтэрнатаў).

Квіток каштуе 6 рублёў, набыць яго можна тут: http://bezkassira.by/admetnyj_ltaraturnyj_lekcy_20-3146/

Пасля лекцыі запрашаем да абмеркавання.

Гэта пятая з васьмі лекцыяў, якія ладзіць кніжны сайт Bookster пры падтрымцы кампаніі МТС. Кнігу Джуліяна Барнса “Узроўні жыцця”, як і шмат якія іншыя, можна знайсці ў Мабільнай бібліятэцы МТС — http://bookmate.com/mts_by.

Інф. па тэлефоне +375291060454

Каментары

Афiша

25 лістапада
Прэзентацыя кнігі «Фіндус з’язджае»
Запрашаем у Цэнтральную дзіцячую бібліятэку імя Астроўскага (пр. Газеты “Праўда”, 20А, ст. м. Пятроўшчына).
25 лістапада
«Кніжная Шафа» ўпершыню прадстаўляе выставу малюнкаў
Паказ пройдзе з 24 кастрычніка (адкрыццё) па 25 лістапада ў Мінску.
27 лістапада
Уручэнне прэміі Карласа Шэрмана
У Press Club Belarus (Веры Харужай, 3).
29 лістапада
«Пад вольным небам» Тумаса Транстромера ў Магілёве
У грамадскім цэнтры «Кола» (завулак Чкалава, 16).
Наш канал на YouTube

Апошнія навiны

(Паказаць усе навіны)
«Пад вольным небам» Тумаса Транстромера ў Магілёве
24 лістапада 2017

«Пад вольным небам» Тумаса Транстромера ў Магілёве

Чытаць далей...
«Бліскавіцы»: Анталогія беларускай жаночай паэзіі 1920-30-х (АЎДЫЯ, ФОТА)
24 лістапада 2017

«Бліскавіцы»: Анталогія беларускай жаночай паэзіі 1920-30-х (АЎДЫЯ, ФОТА)

Чытаць далей...
«Літаратура – яна мая: беларускія пісьменніцы ХХ–ХХІ ст.» (АЎДЫЯ, ФОТА)
24 лістапада 2017

«Літаратура – яна мая: беларускія пісьменніцы ХХ–ХХІ ст.» (АЎДЫЯ, ФОТА)

Чытаць далей...
Уведалі нашых: у Мінску сустрэліся літаратары з усіх рэгіёнаў Беларусі
23 лістапада 2017

Уведалі нашых: у Мінску сустрэліся літаратары з усіх рэгіёнаў Беларусі

Чытаць далей...
70