Найстарэйшая творчая арганізацыя Беларусі |гады заснавання – 1933-1934|

Асабiстыя старонкi сяброу СБП

Астравец (Астраўцоў) Сяргей Аляксандравіч

Астравец (Астраўцоў) Сяргей Аляксандравіч

Астравец (Астраўцоў) Сяргей Аляксандравіч

Сяргей Аляксандравіч Астравец (сапр. Астраўцоў) нарадзіўся 11.04.1959 у Мінску. Празаік, эсэіст, блогер. З 1984 года жыве ў Гродне, куды прыехаў пасля заканчэння факультэта журналістыкі Беларускага дзяржаўнага ўніверсітэта.

Біяграфія

Сяргей Аляксандравіч Астравец (сапр. Астраўцоў) нарадзіўся 11.04.1959 у Мінску. Празаік, эсэіст, блогер. З 1984 года жыве ў Гродне, куды прыехаў пасля заканчэння факультэта журналістыкі Беларускага дзяржаўнага ўніверсітэта.  

Школьныя гады правёў у прыгарадах Берліна, у ГДР, затым — у Літве. Жаданне пісаць з’явілася рана: убачаны зблізку выступ на Прагу савецкай вайсковай калоны ў жніўні 1968 года стаў пазней падставай для апавядання “Мытыя яблыкі”. Яно было апублікавана напярэдадні распаду СССР у адноўленай у 1991 годзе Сяргеем Дубаўцом першай беларускай газеце “Наша Ніва”. Два іншыя “нямецкія апавяданні” надрукавалі газета “ЛіМ” і часопіс “Бярозка”. У 2003 годзе пісьменнік, вярнуўшыся да падзеяў 1968-га, напісаў “Чэшскае піва. Запіскі капітана Кавалёва” (публікацыя ў часопісе “Дзеяслоў” у 2009 г.).

Літоўскі горад Шаўляй меў братэрскія сувязі з Гродна, а школа, дзе вучыўся будучы пісьменнік, — з адной з гродзенскіх. У Шаўляі існаваў помнік паўстанцам 1863 года, якімі ён тады ўпершыню зацікавіўся. Пасля заканчэння дзесяцігодкі — вяртанне ў Беларусь, служба ў Савецкай Арміі, універсітэт. 

Пастаянна працуе журналістам, у 1992-1993 гадах рэдагаваў газету “Пагоня”, затым быў рэгіянальным карэспандэнтам газет “Свабода”, “Навіны”, “Наша Свабода”. Адно з першых апавяданняў, “Нямко”, выйшла ў зборніку таварыства “Тутэйшыя”, у якім удзельнічаў. З 1993 года супрацоўнічае з Радыё Свабода. 

У 2007-2010 гг. — свой блог “Праз гарадзенскія акуляры” на сайце газеты “Наша Ніва”. У 2011-2012 гг. — блог “Дзённік пісьменніка” на сайце Радыё Свабода.

Сябра Беларускай асацыяцыі журналістаў, Саюза беларускіх пісьменнікаў (1998), Беларускага ПЭН-цэнтра (1999).

 

 

Бібліяграфія

Проза, эсэістыка

“Янычары” (проза; 1993),

“Цэнзарскія нажніцы” (проза; 2000, адзначана прэміяй “Гліняны Вялес”),

“Лісты да хома саветыкуса” (эсэ, зацемкі, рэпартажы; 2003),

“Кактэйль Молатава. 19 апавяданняў” (2006),

“Каты Ёзафа Ратцынгера. Апавяданні, эсэ, зацемкі, рэпартажы з Горадні” (2009)

Электронныя кнігі

“Райскія яблычкі. Апавяданні з берагоў Нёмана і Граднічанкі” (2012, Kamunikat.org).

“Жалезная заслона з арнаментам. Стэнаграфічная сага” (2012, Kamunikat.org).

Калектыўныя выданні

“Сучасная беларуская проза. Традыцыі і наватарства” (Мінск, 2003)

“Паветраны шар. Беларускае мужчынскае апавяданне” (Мінск, 2007) 

Асабiстыя старонкi сяброу СБП

(Паказаць увесь спіс)
Крэбс Ігар Барысавіч
Крэбс Ігар Барысавіч

Перакладчык. Сябар Саюза беларускіх пісьменнікаў (2017).

Чытаць далей...
Пейган Мікалай Аляксандравіч
Пейган Мікалай Аляксандравіч

Краязнавец, публіцыст, гісторык, педагог. Сябар Саюза беларускіх пісьменнікаў з 2017 года.

Чытаць далей...
Сцяцко Павел Уладзіміравіч
Сцяцко Павел Уладзіміравіч

Мовазнавец, прафесар філалогіі. Сябар Саюза беларускіх пісьменнікаў з 2017 года.

Чытаць далей...
Лаўрэш Леанід Лявонцьевіч
Лаўрэш Леанід Лявонцьевіч

Беларускі краязнавец, незалежны даследчык і перакладчык з польскай мовы.

Чытаць далей...