Найстарэйшая творчая арганізацыя Беларусі |гады заснавання – 1933-1934|

18 красавіка 2017

Гедройц-2017: запускаецца новы сезон прэміі

Заснавальнікі Літаратурнай прэміі імя Ежы Гедройца — Беларускі ПЭН-цэнтр, Саюз беларускіх пісьменнікаў, Пасольства Рэспублікі Польшча ў Рэспубліцы Беларусь і Польскі Інстытут у Мінску — абвяшчаюць склад журы і пачатак прыёму заявак.

Заснавальнікі Літаратурнай прэміі імя Ежы Гедройца — Беларускі ПЭН-цэнтр, Саюз беларускіх пісьменнікаў, Пасольства Рэспублікі Польшча ў Рэспубліцы Беларусь і Польскі Інстытут у Мінску — абвяшчаюць пачатак прыёму заявак на ўдзел у конкурсе. На прэмію могуць намінавацца кнігі, выдадзеныя ў папяровым або электронным варыянтах цягам 2016 года на беларускай мове ў жанрах «мастацкая проза», «эсэістыка». 

Абвяшчэнне і ўшанаванне пераможцаў адбудзецца ўвосень. Узнагароды, якія чакаюць трох найлепшых, паводле меркавання журы, празаікаў — грашовы прыз, літаратурныя стыпендыі і запрашэнні ў еўрапейскія дамы творчасці.

У адпаведнасці са статутам прэміі Гедройца, журы абіраецца камітэтам, у які ўваходзяць старшыня Беларускага ПЭН-цэнтра, старшыня Саюза беларускіх пісьменнікаў, а таксама асоба, якую яны выбралі з сябраў журы мінулых гадоў. Сёлетні камітэт: Андрэй Хадановіч, Барыс Пятровіч і Валянцін Акудовіч.

У журы прэміі Гедройца-2017 увайшлі: 
Міхась Андрасюк, пісьменнік, журналіст (Гайнаўка, Польшча)
Раіса Баравікова, пісьменніца, паэтэса (Мінск, Беларусь)
Альгерд Бахарэвіч, пісьменнік, публіцыст (Мінск, Беларусь)
Алена Брава, пісьменніца (Барысаў, Беларусь)
Павел Касцюкевіч, пісьменнік, перакладчык, выдавец (Мінск, Беларусь)
Ціхан Чарнякевіч, літаратуразнаўца і літаратурны крытык (Мінск, Беларусь)

Кнігі для ўдзелу ў конкурсе можна даслаць да 15 траўня 2017 года на паштовы адрас: 220050, Мінск, п/с 218, а таксама на электронны адрас: info@pen-centre.by.

Заяўка мусіць утрымліваць наступныя звесткі:
а) інфармацыя пра намінатара, што вылучае твор на Прэмію: кантактныя нумары тэлефонаў і адрасы;
б) кароткая творчая біяграфія аўтара альбо ўсіх суаўтараў, калі твор напісаны ў суаўтарстве;
в) анатацыя кнігі;
г) урывак да 10 тысячаў знакаў, які будзе размешчаны на сайце Прэміі;
д) пажадана — адрасы крамаў, дзе можна набыць кнігу, ці спасылкі, па якіх яе можна спампаваць у электронным варыянце.

Да заяўкі неабходна далучыць 7 асобнікаў у папяровым і 1 асобнік у электронным варыянце. Заяўкі без электроннай версіі і 7 асобнікаў кнігі прымацца да ўдзелу ў конкурсе не будуць.

Прэмія імя Ежы Гедройца ўручаецца з 2012 года. Папярэднія пераможцы прэміі: Павал Касцюкевіч з кнігай “Зборная РБ па негалоўных відах спорту” (2012), Уладзімір Някляеў з кнігай “Аўтамат з газіроўкай з сіропам і без” (2013), Ігар Бабкоў з кнігай “Хвілінка: Тры гісторыі” (2014), Віктар Казько з кнігай “Час збіраць косці” (2015), Макс Шчур з кнігай “Завяршыць гештальт” (2016).

http://pen-centre.by

Прэмія Гедройца, прэміі

Каментары

Апошнія навiны

(Паказаць усе навіны)
«Забойца анёла» — доўгачаканая кніга Вінцэся Мудрова
23 траўня 2017

«Забойца анёла» — доўгачаканая кніга Вінцэся Мудрова

Чытаць далей...
З далёкай і блізкай Амерыкі
23 траўня 2017

З далёкай і блізкай Амерыкі

Чытаць далей...
Вадзім Болбас выступіў у Рэчыцы
23 траўня 2017

Вадзім Болбас выступіў у Рэчыцы

Чытаць далей...
СІЗА №1 адмовіўся ад кніг Саюза беларускіх пісьменнікаў
22 траўня 2017

СІЗА №1 адмовіўся ад кніг Саюза беларускіх пісьменнікаў

Чытаць далей...
476