Найстарэйшая творчая арганізацыя Беларусі |гады заснавання – 1933-1934|

01 жніўня 2017

Памёр акцёр і драматург Сэм Шэпард

Амерыканскі акцёр і драматург, лаўрэат Пулітцэраўскай прэміі Сэм Шэпард памёр на 74-м годзе жыцця. Пра гэта ў панядзелак, 31 ліпеня, паведаміла Associated Рress.

Як распавёў прадстаўнік сям'і Шэпарда, ён памёр 27 ліпеня ад ускладненняў, звязаных з хваробай Лу Герыга (бакавога аміятрафічнага склерозу).

Шэпард зняўся ў некалькіх дзясятках фільмаў, сярод якіх «Фрэнсіс», «Парыж, Тэхас», «Сталёвыя магноліі», «Справа пра пелікана», «Дзённік памяці», «Пароль «Рыба-меч»», «Чорны ястраб», «Як баязлівы Роберт Форд забіў Джэсі Джэймса». У 1984 годзе быў намінаваны на «Оскар» за ролю другога плана ў карціне «Хлопцы што трэба». Апошняй акцёрскай працай Шэпарда стала роля ў серыяле «Радавод».

Сэм Шэпард таксама аўтар некалькіх дзясяткаў п'ес - «Вар'яцтва кахання», «Сапраўдны Захад», «Праклён галадаючага класу», «Век месяца» і іншых. У 1979 г. атрымаў Пулітцэраўскую прэмію за драму «Пахаванае дзіця».

Ён аўтар сцэнара да такіх фільмах, як «Парыж, Тэхас», «Чаму дурні закохваюцца», «Забрыскі-пойнт» (суаўтар, разам з Таніна Гуэра і Мікеланджэла Антаніёні) і іншыя. У 1994 годзе на экраны выйшла яго рэжысёрская работа - вестэрн «Мова маўчання».

nn.by

RIP, замежжа

Каментары

Апошнія навiны

(Паказаць усе навіны)
Новыя кнігі на фестывалі «Вершы на асфальце» (фота)
20 лютага 2018

Новыя кнігі на фестывалі «Вершы на асфальце» (фота)

Чытаць далей...
Тумас Транстромер на фестывалі Стральцова (фотарэпартаж)
20 лютага 2018

Тумас Транстромер на фестывалі Стральцова (фотарэпартаж)

Чытаць далей...
«Remember, remember…»: (не)прапушчаныя старонкі белліта
20 лютага 2018

«Remember, remember…»: (не)прапушчаныя старонкі белліта

Чытаць далей...
«Пункт адліку» ў Школе маладога пісьменніка (+ФОТАГАЛЕРЭЯ)
19 лютага 2018

«Пункт адліку» ў Школе маладога пісьменніка (+ФОТАГАЛЕРЭЯ)

Чытаць далей...
369