Найстарэйшая творчая арганізацыя Беларусі |гады заснавання – 1933-1934|

27 лістапада 2017

Прывітанне, Пэтсан і Фіндус! (+ФОТАГАЛЕРЭЯ)

Суботнім ранкам мінская Цэнтральная дзіцячая бібліятэка імя Астроўскага напоўнілася звонкімі дзіцячымі галасамі -- не менш за 150 дзетак і іх бацькоў прыйшлі на чароўную сустрэчу з любімымі героямі шведскага пісьменніка і мастака Свэна Нурдквіста. Пэтсан і Фіндус сталі настолькі блізкімі нашай публіцы, што на пытанне: «На якой мове размаўляюць героі?» дзеткі з залы адказалі: «На беларускай!»

Ранішнік быў зладжаны ГА "Саюз беларускіх пісьменнікаў", грамадскай культурніцкай кампаніяй "Будзьма беларусамі!", пры ўдзеле Амбасады Каралеўства Швецыя ў Рэспубліцы Беларусь. 

Музычны канцэрт, створаны Андрусём Такіндангам і Валерыяй Валадзько па матывах кніг "Фіндус з'язджае" і "Паляванне на ліса", перакладзеных на нашую мову Надзеяй Кандрусевіч і выдадзеных у серыі "Каляровы ровар" Саюза беларускіх пісьменнікаў, прайшоў на ўра!

Маленькія гледачы запаміналі новыя беларускія словы, спявалі і танчылі разам з персанажамі, вучыліся казаць адно аднаму "Калі ласка" і "На здароўе", адказвалі на пытанні віктарыны, атрымлівалі прызы і нават лопалі паветраныя балонікі (праўда, пад чуйным назіраннем дарослых і выключна дзеля сюжэту ўлюбёных казак). 

Вяла імпрэзу Таццяна Дайнека, выступіла перакладчыца Надзея Кандрусевіч. Па завяршэнні канцэрту дзетак чакалі новыя кнігі, салодкія пачастункі і фота на памяць.

Тэкст і фота: Віка Трэнас, для lit-bel.org

пераклады, святы, прэзентацыі, кнігі, бібліятэкі, дзіцячая літаратура, Каляровы ровар

Каментары

Апошнія навiны

(Паказаць усе навіны)
У Калініградзе з’явіцца вуліца Францыска Скарыны
17 студзеня 2018

У Калініградзе з’явіцца вуліца Францыска Скарыны

Чытаць далей...
Віншуем Ірыну Жарнасек!
17 студзеня 2018

Віншуем Ірыну Жарнасек!

Чытаць далей...
«Літаратурная Беларусь» № 136 — снежань 2017 (спампаваць пдф)
17 студзеня 2018

«Літаратурная Беларусь» № 136 — снежань 2017 (спампаваць пдф)

Чытаць далей...
Беларуская даваенная кніга на інтэрнэт-аўкцыёнах: Багушэвіч за $400, Колас — амаль за $100
16 студзеня 2018

Беларуская даваенная кніга на інтэрнэт-аўкцыёнах: Багушэвіч за $400, Колас — амаль за $100

Чытаць далей...
395