Найстарэйшая творчая арганізацыя Беларусі |гады заснавання – 1933-1934|

15 жніўня 2011

Някляеў —

Някляеў — "Лепшы крэўскі паэт"

Уладзімер Някляеў уганараваны прэміі "Лепшы крэўскі паэт" на рэгіянальным фэстывалі "Крэўскі кірмаш", прысьвечаным падпісаньню аднайменнай уніі ў 1385 годзе. Арганізатарамі фэстывалю, які прайшоў 13 жніўня, выступілі фонд "Крэўскі замак", Смаргонскі раённы выканаўчы камітэт і Крэўскі сельсавет.

Уладзімер Някляеў уганараваны прэміі "Лепшы крэўскі паэт" на рэгіянальным фэстывалі "Крэўскі кірмаш", прысьвечаным падпісаньню аднайменнай уніі ў 1385 годзе. Арганізатарамі фэстывалю, які прайшоў 13 жніўня, выступілі фонд "Крэўскі замак", Смаргонскі раённы выканаўчы камітэт і Крэўскі сельсавет.

Як прызнаўся Някляеў, сярод яго шматлікіх узнагарод "ніколі не было званьня крэўскага паэта". Уладальніка літаратурнай прэміі вызначала глядацкае журы. Літаратар спаборнічаў з такімі паэтамі, як, напрыклад, Анатоль Івашчанка і Ўсевалад Сьцебурака. "Мы крыху згубілі людзей, бо звычайна на гэты фэстываль прыяжджалі госьці з Літвы, Польшчы. Сёньня іх няма, мне здаецца, зразумела, чаму яны не прыехалі", — адзначыў Някляеў. Паводле яго слоў, сёлетні фэст — "лепшы за мінулыя".

Сёмы фэстываль традыцыйна праходзіў у рамках валанцёрскага летніку. Як распавяла БелаПАН дырэктар фонду "Крэўскі замак" Вольга Кастрамінава, сёлета летнік дзейнічаў з 1 ліпеня, яго удзельнікі садзейнічаюць ахове гісторыка-культурных помнікаў Крэва, захаваньню прыродных тэрыторый у іх натуральным выглядзе. Высілкамі валянтэраў у мінулым былі прыведзены ў парадак яўрэйскія могілкі ля Крэва, а таксама пачалася праца па кансэрвацыі рэшткаў Крэўскага замка. Мэтай фэстывалю было прыцягненьне ўвагі да праблемы аховы гісторыка-культурнай спадчыны Крэва і Беларусі увогуле, папулярызацыя народных рамёстваў, традыцыйнай культуры.

"Крэўскі кірмаш" стаў фінальным пунктам летніку гэтага года. "У 2005-м быў фэстываль "Крэўскія камяні" — тое была першая спроба зрабіць фэст студэнцкімі высілкамі. Сёлета мы вырашылі зладзіць фэстываль разам з Крэўскім сельсаветам і Смаргонскім райвыканкамам. Нам аказалі падтрымку — далі дазвол на сам фэстываль, са Смаргоні прывезьлі гукаўзмацняльную апаратуру", — сказала Кастрамінава.

Сьвята наведалі прыкладна 300 чалавек, сярод якіх былі госьці з Менску, жыхары Крэва і навакольных мястэчак. Наведвальнікам было прапанавана паўдзельнічаць у некалькіх конкурсах, выбраць лепшых крэўскіх гаспадароў, кухара, гандляра, майстра, барда і іншых умельцаў. Ля сьцен замка былі усталяваны гандлёвыя пункты, дзе можна было набыць шашлык, піражкі, газіроўку, салодкую вату ды іншыя прысмакі, мясцовыя сувэніры, цацкі.

svaboda.org

Каментары

Апошнія навiны

(Паказаць усе навіны)
«Не ведаў, што Апалінэр паходзіць з Беларусі». Эрленд Лу сустрэўся з беларускімі пісьменнікамі (ФОТА)
20 красавіка 2018

«Не ведаў, што Апалінэр паходзіць з Беларусі». Эрленд Лу сустрэўся з беларускімі пісьменнікамі (ФОТА)

Чытаць далей...
«Літаратурная Беларусь» № 139 (+ПДФ)
20 красавіка 2018

«Літаратурная Беларусь» № 139 (+ПДФ)

Чытаць далей...
Красавіцкія творчыя сустрэчы з «Будзьма беларусамі!»
20 красавіка 2018

Красавіцкія творчыя сустрэчы з «Будзьма беларусамі!»

Чытаць далей...
Новы «Дзеяслоў»: вершы Насты Кудасавай, пераклады з нарвежскай і японскай, дыялогі Святланы Алексіевіч з Веніямінам Блажэнным
18 красавіка 2018

Новы «Дзеяслоў»: вершы Насты Кудасавай, пераклады з нарвежскай і японскай, дыялогі Святланы Алексіевіч з Веніямінам Блажэнным

Чытаць далей...
105