Найстарэйшая творчая арганізацыя Беларусі |гады заснавання – 1933-1934|

НАВIНЫ

Пуцёўка ў Неверляндыю для беларускіх дзяцей: пераклад «Пітэра Пэна» прэзентавалі ў Мінску
22 снежня ў кнігарні «Сон Гогаля» адбылася прэзентацыя першага перакладу на беларускую мову знакамітай гісторыі Джэймса Мэцью Бары «Пітэр Пэн». Перакладчык Уладзімір Лянкевіч і ілюстратар Кацярына Дубовік распавялі маленькім і дарослым гасцям сустрэчы, як стваралася кніга. Чытаць далей...
У Мінску прэзентавалі новы класічны дэтэктыў (+ФОТА)
22 снежня ў Літаратурным музеі Максіма Багдановіча Ксенія Шталенкова прэзентавала свой новы твор «Губернскі дэтэктыў. Справа аб крывавых дукатах». Тэкст сапраўды незвычайны для беларускай літаратуры, бо ў ім спалучаюцца і захапляльны сюжэт, і загадкі для чытачоў, і атмасфера старажытнага Мінска. Чытаць далей...
Абмяркуем літаратурныя вынікі года! — 27 снежня
Напрыканцы года выбітныя выданні свету ладзяць апытанні і агляды культурных падзей – ці то ў выглядзе рэйтынгаў, ці то дайджэстаў. Прапануем далучыцца да вуснага варыянту падобных жанраў. Заадно пабачыце на свае вочы і тых, хто часта застаецца па-за кадрам: у заснежаным Мінску ладзім дыялог літаратурных крытыкаў новай генерацыі. Чытаць далей...
Шведская калядная каша па-беларуску
Учора ў кавярні “Грай!” прайшла прэзентацыя перакладу на беларускую мову святочнай казкі шведскага дзіцячага пісьменніка і мастака Свэна Нурдквіста “Калядная каша”. Таксама падчас мерапрыемства быў прадстаўлены зборнік аўдыёкніг па творах Свэна Нурдквіста “Пэтсан і Фіндус” у агучцы акцёраў Купалаўскага тэатра Паўла Харланчука і Ганны Хітрык. Чытаць далей...
«Ноч цмока»: топ-5 містычных кніг па-беларуску
Ноч — час загадкавы і таямнічы. Яна адначасова пужае і прыцягвае. Раз на год, у дзень зімовага сонцастаяння, з 21 на 22 снежня здараецца самая доўгая ноч. Мы сабралі для вас пяць містычных кніг, якія створаць найлепшую атмасферу на гэты час. Чытаць далей...
Вяртаючыся да пачатку: гутарка з Аленай Васілевіч
З Аленай Сямёнаўнай Васілевіч мы таварышуем, так ахарактарызуем нашыя адносіны, больш за дваццаць гадоў. У 1981 годзе ў сваёй “лімаўскай” публікацыі яна працягнула руку ў самы цяжкі перыяд жыццёвага і творчага пералому вясковага электрыка і пачынаючага паэта Лёні Галубовіча. А неўзабаве стала і першым “палымянскім” рэцэнзентам майго дэбютнага паэтычнага зборнічка ў далёкім 1984 годзе. Пазнаёміліся ж мы пазней. І амаль адразу сышліся ва ўнутраным адчуванні сутнасці жыцця і мастацкай творчасці. З таго часу сустракаліся, а цяпер (мабыць, ужо гадоў дзесяць) мы штотыдзень перамаўляемся па тэлефоне. Угаварыць Алену Сямёнаўну на гутарку было няпроста, памятаю, нават на круглае 90-годдзе яна адмовіла мне ў размове для друку. А тут нейкім дзіўным чынам патрапіў на такі сугучны і адпаведны настрой, што – вось, чытайце… Чытаць далей...
Адкрытая падача заявак на Прэмію Цёткі
Распачынаецца трэці сезон Прэміі Цёткі, якая прысуджаецца за найлепшую кнігу для дзяцей і падлеткаў. На конкурс прымаюцца кнігі 2017 года, напісаныя на беларускай мове. Арганізатары прэміі — фонд "Вяртанне", Беларускі ПЭН-Цэнтр і Саюз беларускіх пісьменнікаў. Чытаць далей...
У нядзелю на доме, дзе жыў Рыгор Барадулін, усталююць мемарыяльную дошку
24 сьнежня адбудзецца адкрыцьцё памятнай дошкі на доме ў Менску, дзе жыў і працаваў народны паэт Беларусі Рыгор Барадулін. Чытаць далей...
«Спiс Тамковiча»: працяг будзе
Журналiст Аляксандр Тамковiч прэзентавау 19-ю (!) кнiгу пад назвай «Мазаiка жыцця», што выйшла ў Бібліятэцы Саюза беларускіх пісьменнікаў "Кнігарня пісьменіка". Пра сваё жыццё аўтару шчыра распавялi найвядомейшыя беларусы — ад эпатажнага Адама Глобуса да нобелеўскай лаурэаткi Святланы Алексiевiч. Чытаць далей...
20 снежня — Уладзімір Арлоў запрашае на прэзентацыю
Заўтра ў «Акадэмкнізе» (пр. Незалежнасці, 72) а 18-й пройдзе прэзентацыя пяцітомніка творцы і калядная аўтограф-сесія. Чытаць далей...

Афiша

24 студзеня
Наш канал на YouTube